ԱՄՆ նախագահի ընտրությունում հաղթում է հանրապետական Դոնալդ Թրամփը։ Ըստ Associated Press գործակալության՝ Թրամփն արդեն ունի 277 ընտրիչի ձայն. ընտրվելու համար անհրաժեշտ էր 270-ը: ԱՄՆ փոխնախագահ Քամալա Հարիսն այս պահին ունի 224 ընտրիչի ձայն: Թրամփի հաղթանակի հարցում մեծ դերակատարում է ունեցել այսպես կոչված «տատանվող» 7 նահանգում գրանցած հաջողությունը:
Դոնալդ Թրամփը Ֆլորիդայում իր կողմնակիցների հավաքին հանդես է եկել ընտրությունից հետո առաջին ելույթով՝ շնորհակալություն հայտնելով ամերիկացիներին իրենց ձայների համար: «Եկեք Ամերիկան կրկին հզոր դարձնենք»,- ասել է նա։ Նախագահական մրցավազքում իր արդյունքը Թրամփն անվանել է «քաղաքական հաղթանակ, որն աննախադեպ է ԱՄՆ պատմության մեջ»: Թրամփը խոստացել է, որ իր կառավարումը կլինի «իսկապես ոսկե դարաշրջան» ԱՄՆ պատմության մեջ: «Ես չեմ պատրաստվում պատերազմներ սկսել, հակառակը՝ պատրաստվում եմ վերջ տալ պատերզմներին»,- ասել է ընտրված նախագահը:
Մանրամասները՝ միջազգային տեսաշարում:
Հեղինակ՝ Դավիթ Մուրադյան
