Ռուսաստան Հյուսիսային Կորեայի կողմից զորքեր ուղարկելու մտահոգությունների ֆոնին՝ Եվրամիության արտաքին քաղաքականության պատասխանատու ժոզեպ Բորելը բանակցություններ է վարել իր հարավկորեացի գործընկեր Չո Թաե-Յուլի հետ: Բորելը և Չոն ընդգծել են ԵՄ-ի և Հարավային Կորեայի միջև անվտանգության և պաշտպանության ոլորտում համագործակցության հրատապ անհրաժեշտությունը՝ վկայակոչելով Ռուսաստանի հետ Հյուսիսային Կորեայի համագործակցության աճող մտահոգությունները: Հարավային Կորեայի արտգործնախարարը հայտարարել է, որ երկխոսությունը կրիտիկական փուլում է, քանի որ Հյուսիսային Կորեայի և Ռուսաստանի միջև խորացող ռազմական համագործակցությունը լուրջ վտանգ է ներկայացնում Եվրոպայի անվտանգությանը Խաղաղ օվկիանոսում և ամբողջ աշխարհում:
Բորելը նաև բանակցություններ է վարել Հարավային Կորեայի պաշտպանության նախարար Կիմ Յոն Հյունի հետ։ Կողմերը դատապարտել են հյուսիսկորեական զորքերի տեղակայումը Ռուսաստանում և խոստացել համակարգել գործողությունները՝ Փհենյանի և Մոսկվայի միջև համագործակցությունը կանգնեցնելու համար։ Բորելը Հարավային Կորեա է մեկնել Ճապոնիա կատարած այցից հետո:
Միջազգային նորությունները՝ Մերի Ներսիսյանի ռեպորտաժում։
