Կառավաարությունը հավանություն տվեց «Հայաստանի Հանրապետության 2024 թվականի պետական բյուջեի մասին» օրենքում վերաբաշխում, փոփոխություններ և լրացումներ, Հայաստանի Հանրապետության կառավարության 2023 թվականի դեկտեմբերի 28-ի N 2323-Ն որոշման մեջ փոփոխություններ և լրացումներ կատարելու մասին նախագծին:
«Ներկայացվող նախագիծը, ըստ էության, Կառավարության խոշորագույն ծրագրերից 300 դպրոցների, 500 մանկապարտեզների ծրագրի շրջանակներում իրականացվող հերթական քայլ է: Այս պահի դրությամբ 223 դպրոցների հետ կապված աշխատանքներ են ընթանում, և 35-ում արդեն աշխատանքներն ավարտված են: Այս որոշման նախագծով մենք առաջարկում ենք վերաբաշխում անել 2024 թվականի պետական բյուջեով ԿԳՄՍՆ-ին կապիտալ ծրագրերի իրականացման համար հատկացված միջոցների շրջանակներում 2 մլրդ 685 մլն դրամի չափով, և այս նպատակով գումարներն ուղղել 11 օբյեկտների, որոնից 4-ը կրթահամալիր է, և 7-ը՝ դպրոց, աշխատանքները մեկնարկելու համար: Այս վերաբաշխման նախագիծը հնարավորություն կտա մեծ թափով սկսել շինարարության գործընթացը: Այս հաստատությունները կգան համալրելու նաև 300 դպրոցների ցանկի մյուս՝ արդեն իսկ ընթացքում գտնվող կամ ավարտված շինությունների ցանկը»,- ասաց կրթության, գիտության, մշակույթի և սպորտի նախարար Ժաննա Անդրեասյանը:
«Այսօրվանից առանց մեր ընթացիկ շինարարական գործընթացները կանգնեցնելու, դանդաղեցելու, վնասելու, մենք գույքագրում ենք այն դպրոցների ցանկը, որոնք առաջին 300-ը ավարտելուց հետո պետք է սկսենք 2-րդ 300-ը: Սա նշանակում է, որ երկրորդ 300-ի անհրաժշտությունն ակնհայտ է, 3-րդ 300-ի անհրաժեշտությունը կգնահատվի 2-րդ 300-ի իրականացումից հետո»,- նշեց ՀՀ վարչապետ Նիկոլ Փաշինյանը:
