Ակնհայտ է, որ տեսչականների ուղղությամբ մենք մեծ բարեփոխումների կարիք ունենք, որովհետև այստեղ քրոնիկ ունենք բավականին ցածր աշխատավարձային ֆոնդ և բարձր պահաջներ տեսչական մարմիններից: Այդ մասին Ազգային ժողովում 2025 թվականի պետբյուջեի նախագծի քննարկման ժամանակ ասաց վարչապետի աշխատակազմի ղեկավար Արայիկ Հարությունյանը:
«Իհարկե, տեսչական մարմիններն իրենց ունեցած ռեսուրսի շրջանակներում առավելագույն ցուցանիշներն են ստանում, բայց, իհարկե, ատեստավորման միջոցով տեսչական մարմիններում մեծ բարեփոխումների արդյունքում այս իրավիճակը պետք է ակնհայտորեն փոխվի, որպեսզի ավելի մեծ խնդիրներ նրանց առաջ դնենք»,- ասաց նա:
