Իսրայելի և «Հըզբոլլահի» միջև հրադադարի հասնելը կարող է ավելի հեշտ լինել, քան Իսրայելի և ՀԱՄԱՍ-ի միջև: Այդ մասին հայտարարել է ԱՄՆ նախագահ Ջո Բայդենը՝ Գերմանիայի կանցլեր Օլաֆ Շոլցի, Ֆրանսիայի նախագահ Էմանուել Մակրոնի և Մեծ Բրիտանիայի վարչապետ Քիր Սթարմերի հետ հանդիպումից հետո:
«Ղեկավարները կարծում են, որ Լիբանանում հրադադարի հասնելու հնարավորություն կա, իսկ ահա Գազայում դա ավելի բարդ կլինի», - Բայդենի խոսքը մեջբերել է Associated Press-ը:
Մեծ Բրիտանիայի վարչապետ Քիր Սթարմերն էլ հայտարարել է, որ դաշնակիցներն աշխատում են Մերձավոր Արևելքում լարվածությունը նվազեցնելու ուղղությամբ և համաձայն են, որ «միայն ռազմական լուծում» գոյություն չունի: «Հիմա մենք պետք է առավելագույնս օգտագործենք դիվանագիտությունը»,-հավելել է Սթարմերը:
