ՆԱՏՕ-ի երկրները երկուշաբթի սկսել են իրենց ամենամյա Steadfast Noon միջուկային զորավարժությունները, հայտնել է Հյուսիսատլանտյան դաշինքը:
Երկու շաբաթ տևող զորավարժանքին մասնակցում է ավելի քան 60 կործանիչ, որոնք կարող են կրել ամերիկյան միջուկային զենք։ Նրանք թռչելու են Արևմտյան Եվրոպայի վրայով։
«Միջուկային զսպումը դաշնակիցների անվտանգության հիմնաքարն է»,- ավելի վաղ ասել էր ՆԱՏՕ-ի գլխավոր քարտուղար Մարկ Ռյուտեն, «Steafast Noon-ը դաշինքի միջուկային զսպման կարևոր փորձություն է, այն հստակ ազդանշան է ցանկացած հակառակորդի, որ ՆԱՏՕ-ն կպաշտպանի բոլոր դաշնակիցներին»:
Steadfast Noon զորավարժություններին կներգրավվեն 2 հազար զինվորականներ, կործանիչներ, ռմբակոծիչներ, լիցքավորող ինքնաթիռներ և հետախուզական ու ռադիոէլեկտրոնային պայքարի ինքնաթիռներ: Թռիչքները կիրականացվեն ՆԱՏՕ-ի ութ ավիաբազայից՝ թռչելով Բելգիայի, Նիդերլանդների, Դանիայի, Մեծ Բրիտանիայի և Հյուսիսային ծովի վրայով։
