Իսրայելական բանակի և «Հըզբոլլահի» միջև մարտերը շարունակվում են: Նոր հրապարակված կադրերում Լիբանանի մայրաքաղաքի արվարձաններում երևում են ծխի ամպեր: Օդային ազդանշաններ են հնչել Իսրայելի հյուսիսում, «Հըզբոլլահը» հրթիռներով հարվածել է հյուսիսային շրջաններին:
Շարժումը հայտարարել է, որ հրթիռներով թիրախավորել է իսրայելական հետախուզական ծառայության Թել Ավիվի կենտրոնակայանը և իսրայելական ռազմական հետախուզության կենտրոնը:
Լիբանանի կառավարության հրապարակած տեղեկության համաձայն՝ մեկ տարվա ընթացքում իսրայելական գործողութունների հետևանքով երկրում զոհվել է ավելի քան 1900 մարդ, վիրավորների թիվը գերազանցում է 9000-ը: Վերջին մեկ օրում իսրայելական հարվածներից զոհվել է 46 լիբանանցի։ Իսրայելական կողմի տվյալով՝ Լիբանանի հարավում ցամաքային գործողության ժամանակ 8 զինծառայող է զոհվել։
Մանրամասները՝ տեսաշարում:
