Կոպենհագենի ոստիկանությունը հայտնել է, որ չորեքշաբթի լուսադեմին երկու պայթյուն է տեղի ունեցել Իսրայելի դեսպանատան մոտ, ինչի պատճառով մոտակա հրեական դպրոցը ստիպված են եղել փակել օրվա ընթացքում:
Ոստիկանությունից հայտնել են, որ տուժածներ չկան: Կատարվում է քննություն՝ պարզելու, թե արդյոք կապ կա պայթյունների միջև։ Միջադեպի հետ առնչություն ունենալու կասկածանքով երեք մարդ է բերման ենթարկվել։
Երեքշաբթի երեկոյան էլ ուժեղ պայթյուն է եղել Ստոկհոլմում Իսրայելի դեսպանատան շրջակայքում: Ավելի ուշ ոստիկանությունը հայտնել է, որ դեպքի վայրում՝ դեսպանատան մոտ, փամփուշտներ են հայտնաբերել: Առայժմ ոչ ոքի չեն ձերբակալել։
