Իսրայելական արշավանքները «Հըզբոլլահի» դեմ, որոնք սկսվել են գիշերվա ընթացքում, սահմանափակ են եղել՝ ասել է իսրայելական անվտանգության պաշտոնյան՝ հավելելով, որ խմբավորման զինյալների հետ ուղղակի բախումներ չեն եղել: Այս մասին հայտնում է BBC-ն:
Իսրայելի պաշտպանության բանակի հայտարարության մեջ ասվում է, որ օդուժը և հրետանին, ցամաքային զորքերի աջակցությամբ, հարավային Լիբանանի սահմանային գյուղերում «Հըզբոլլահի» դեմ իրականացնում են «սահմանափակ, տեղայնացված և թիրախավորված ցամաքային հարձակումներ»:
Նրա խոսքով՝ Բեյրութում ավելի լայնածավալ գործողություն չի դիտարկվում, չնայած քաղաքը վերջին օրերին մեկ անգամ չէ, որ ռմբակոծվել է իսրայելական ավիացիայի կողմից։
Իսրայելի պաշտպանության բանակը հայտարարել է, որ գործողությունները Լիբանանում կշարունակվեն, և զինվորականները ձգտում են հնարավորինս շուտ ավարտել դրանք:
