Եմենի «Անսար Ալլահ» շարժման հակաօդային պաշտպանության ուժերը Դամար նահանգի երկնքում ևս մեկ ամերիկյան MQ-9 Reaper անօդաչու թռչող սարք են խոցել: Նման հայտարարությամբ է հանդես եկել շարժման ռազմական ներկայացուցիչ Յահյա Սարիան։
«Եմենի զինված ուժերը շարունակում է դիմակայել ԱՄՆ-ի և Մեծ Բրիտանիայի ագրեսիային և նրանց թշնամական գործողություններին, մեր ՀՕՊ միջոցներին հաջողվել է խոցել ամերիկյան MQ-9 անօդաչու թռչող սարքը, երբ այն թշնամական գործողություններ էր իրականացնում Դամար նահանգի օդային տարածքում»,- ասել է Սարիան։
Նրա խոսքով՝ թռչող սարքը ոչնչացվել է երկիր-օդ դասի հրթիռով։
Հութիների ներկայացուցիչը նշել է, որ սա արդեն երրորդ MQ-9 Reaper անօդաչու թռչող սարքն է, որը խոցվել է անցած շաբաթվա ընթացքում:
