ՆԱՏՕ-ի գլխավոր քարտուղար Ենս Ստոլտենբերգը կոչ է արել Չինաստանին դադարեցնել Ուկրաինայում Ռուսաստանի պատերազմին աջակցելը և ասել է, որ Պեկինի օգնությունը պատերազմի շարունակման կարևոր գործոն է եղել:
Չինաստանը դարձել է Ուկրաինայի դեմ Ռուսաստանի պատերազմի «վճռական ուժը»՝ Օսլոյում լրագրողներին ասել է Ստոլտենբերգը։ Նա նախազգուշացրել է, որ Պեկինի կողմից ուկրաինական պատերազմի շարունակական խթանումը կարող է բացասաբար ազդել սեփական շահերի և հեղինակության վրա:
Ուկրաինայի նախագահ Վլադիմիր Զելենսկին ավելի վաղ ասել էր, թե չի ցանկանում, որ Չինաստանը, որը Ռուսաստանի հետ «առանց սահմանների» գործընկերություն ունի, հանդես գա որպես միջնորդ: Նա նշել է, որ հույս ուներ, որ Պեկինը ավելի մեծ ճնշում կգործադրի Մոսկվայի վրա՝ պատերազմը դադարեցնելու համար:
