Վայոց ձորի մարզ կատարած այցի շրջանակում աշխատանքի և սոցիալական հարցերի նախարար Նարեկ Մկրտչյանն ու նախարարի տեղակալ Դավիթ Խաչատրյանն այցելել են նաև Արենի համայնքում սահմանամերձ գյուղական բնակավայրերում բնակարանային ապահովության պետական աջակցության ծրագրի շրջանակում կառուցված տներ։ Այս մասին հայտնում են Վայոց ձորի մարզպետի աշխատակազմից։
Նրանք բնակիչների հետ զրուցել են ծրագրին դիմելու ընթացակարգի, տրամադրվող աջակցության փուլերի, շինարարական աշխատանքների մասին։
Ծրագրի շահառուներն իրենց գոհունակությունն են հայտնել ծրագրի առկայության միջոցով իրենց երազանքի տունը իրականություն դարձնելու հնարավորության համար։
