ՀՀ-ն բոլոր մակարդակներում սառեցրել է իր մասնակցությունը ՀԱՊԿ-ին, և մենք այս փուլում այդ որոշումը համարում ենք բավարար: Այդ մասին ասուլիսի ժամանակ հայտարարեց վարչապետ Նիկոլ Փաշինյանը:
Ըստ վարչապետի՝ կարող է այս հարցով բանավեճ լինել, մեկը կարող է ՀՀ-ի որոշումը բավարար համարել, մյուսը՝ ոչ, բայց պետք է հարցը դիտարկել այն տեսանկյունից, թե ով ինչ գնահատողական իրավասություն ունի:
«Ես հարգում եմ բոլոր տեսակետները, բայց մյուս կողմից՝ մենք կայացրել ենք այն որոշումը, որը կայացրել ենք, այսինքն՝ այս պահին մենք այլ որոշում կայացնելու անհրաժեշտություն չենք տեսնում, ինչը չի նշանակում, որ մենք հաջորդ պահին որևէ այլ որոշում կայացնելու անհրաժեշտություն չենք տեսնի»,- ասաց նա:
