«Պետական նշանակության ավտոճանապարհների հիմնանորոգում» միջոցառման կատարումն ապահովելու նպատակով գործադիրն ընդունել է որոշում:
Ըստ այդմ՝ նախատեսվում է ֆինանսական միջոցներ հատկացնել՝ 2022-2024 թթ. հիմնանորոգման ծրագրերով նախատեսված թվով 2 ճանապարհահատվածի հիմնանորոգման աշխատանքները 2024 թ. ավարտելու, ինչպես նաև թվով 3 ճանապարհահատվածների 2023-2024 թթ. հիմնանորոգման ծրագրերով նախատեսված աշխատանքների դիմաց չվճարված պայմանագրի ընդհանուր գնի 5 տոկոսի գումարի վճարման համար։ Որոշմամբ առաջարկվում է հատկացնել 360.84 մլն դրամ:
