Օգոստոսի 26-ին՝ ժամը 01:10-ին, Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արևիկ գյուղում այրվում է խոտի դեզ։ Այս մասին տեղեկացնում են Փրկարար ծառայությունից:
Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը, հրշեջ-փրկարարական ջոկատից երկու մարտական հաշվարկ և մեկ ջրատար։
Հրդեհը մեկուսացվել է ժամը 02:07-ին, մարվել՝ 14։05-ին։ Այրվել է մոտ 10.000 հակ անասնակեր:
Հրդեհաշիջման աշխատանքներին ներգրավվել են 1 տրակտոր և 2 բեռնատար ավտոմեքենա:
