Օգոստոսի 16-ին Վայոց ձորի մարզ կատարած աշխատանքային այցի շրջանակում ՊՆ նախարար Սուրեն Պապիկյանը Խաչիկ գյուղում հանդիպել է սահմանամերձ գյուղական բնակավայրերում բնակարանային ապահովման պետական աջակցության ծրագրի (որի շրջանակում քաղաքացիներին տրվում է մինչև 16 մլն դրամ աջակցություն՝ սեփական տուն կառուցելու համար) շահառուների և տները կառուցող շինարարների հետ: Այդ մասին նախարարը գրել է Ֆեյսբուքի իր էջում։
«Կառավարության ներդրած ծրագրի շահառուից հետաքրքրվել եմ աշխատանքների ընթացքի մասին և ողջունել ընձեռված հնարավորությունից օգտվելու որոշումը»,- գրել է Պապիկյանը:
