ԵՄ բարձրագույն քաղաքական մարմնի ապագա ղեկավար Անտոնիու Կոշտան ժամանել է Իտալիա՝ բանակցելու վարչապետ Ջորջիա Մելոնիի հետ: ԵՄ անդամ երկրների 27 առաջնորդներից նա միակն է եղել, որը դեմ է քվեարկել Կոշտայի նշանակմանը: Չնայած դրան՝ Պորտուգալիայի նախկին վարչապետ սոցիալիստն իր «շնորհանդես-շրջագայությունը» եվրոպական մայրաքաղաքներով որոշել է սկսել Հռոմից և հայտարարել է, որ իր աշխատանքում հաշվի է առնելու նաև Իտալիայի շահերը։
«Ինձ համար այժմ կարևոր է գնահատել անդամ տարբեր երկրների հեռանկարներն ու առաջնահերթությունները, և քանի որ Իտալիան Եվրամիության հիմնադիր երկիր է, կարևոր է իմանալ և ի գիտություն ընդունել վարչապետ Մելոնիի առաջնահերթությունները»,- ասել է Եվրոպական խորհրդի ղեկավարը։
