Հուլիսի 16-ին՝ ժամը 20:14-ին, Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Երևան-Սևան ավտոճանապարհին՝ ավազի հանքի մոտ, տեղի է ունեցել ՃՏՊ՝ բախվել են երկու ավտոմեքենա. կան տուժածներ:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ բախվել են Mercedes-Benz (վարորդ՝ Օ. Օ.) և Chevrolet մակնիշների (վարորդ՝ Ա. Ղ.) ավտոմեքենաները:
Մինչ փրկարարների կանչի վայր հասնելը՝ Mercedes-Benz մակնիշի ավտոմեքենայի ուղևորներ Ա. Բ.-ն (ծնված 2001 թ.), Ա. Գ.-ն (ծնված 2002 թ.) և Ն.Ն.-ն (ծնված 1999 թ.) հոսպիտալացվել են բժշկական կենտրոններ, իսկ «Chevrolet» մակնիշի ավտոմեքենայի ուղևորներ Ս. Ա.-ն, Լ. Կ.-ն և Գ. Հ.-ն տեղում ստացել են համապատասխան բուժօգնություն:
Փրկարարները հոսանքազրկել են ավտոմեքենաները և փակել Mercedes-Benz մակնիշի ավտոմեքենայի գազի բալոնի փականը:
