ԱՄՆ պետքարտուղար Էնթոնի Բլինքենը հանդիպել է իսրայելցի երկու առանցքային պաշտոնյաների հետ ու քննարկել Իսրայելի և ՀԱՄԱՍ-ի միջև հրադադարի համաձայնագրի շուրջ ընթացող բանակցությունները։ Այդ մասին հայտնել է պետքարտուղարության խոսնակ Մեթյու Միլլերը։
Ազգային անվտանգության հարցերով խորհրդական Ցաչի Հանեգբին և Իսրայելի ռազմավարական հարցերի նախարար Ռոն Դերմերը հաստատել են, որ Իսրայելը դեռ հավատարիմ է հրադադարի համաձայնության հասնելու՝ նախագահ Բայդենի առաջարկած պայմաններին:
