ԱՄՆ-ում ՀՀ դեսպան Լիլիթ Մակունցը հուլիսի 10-ին հյուրընկալել է Հայ նահատակների ժողովական եկեղեցու (Armenian Martyrs’ Congregational Church) ներկայացուցիչներ Վիգեն և Ժանեթ Քեշիշեաններին։
![](/attachments/images/451035576_886007656903954_5745962084136235884_n.jpg)
Ժանեթ Քեշեշեանը, որը եկեղեցու քրիստոնեական դաստիարակության պատասխանատուն է, դեսպան Մակունցին է փոխանցել երկու արժեքավոր ձեռագիր՝ որպես Ժողովական եկեղեցու նվեր Մատենադարանին։
Դեսպան Մակունցն իր երախտիքն է հայտնել նվիրատվության համար և նշել, որ ձեռագրերը ամենասեղմ ժամկետներում կփոխանցվեն Մատենադարանին։
![](/attachments/images/451086331_886007613570625_8037215037813987683_n.jpg)
Ձեռագրերը Ժողովական եկեղեցուն են փոխանցվել Ռոբերտ Թաքերի և նրա կնոջ կողմից։
Վերապատվելի Թաքերը ժամանակին միսիոներական առաքելություն է իրականացրել Թուրքիայում և 1965-1969 թթ․ դասավանդել ամերիկացի միսիոներների կողմից բացված դպրոցում, որտեղ ժամանակին սովորել են հայ տղաներ։
Նա տեղի անտիկ իրերի խանութներից էլ գնել է ձեռագրերը։