Հայաստանի Հանրապետության գլխավոր դատախազ Աննա Վարդապետյանը 2024 թվականի հուլիսի 10-ին այցելել է Գյումրու օլիմպիական հերթափոխի պետական մարզական քոլեջ և ներկա եղել Պատանիների և դեռահասների ծանրամարտի բաց առաջնությանը: Այդ մասին հայտնում են ՀՀ գլխավոր դատախազությունից:
.jpg)
Գլխավոր դատախազի կողմից առաջնությանը ներկա լինելու նպատակը մրցույթին մասնակցող 12-ամյա պատանիներից մեկին իր աջակցությունը հայտնելն էր:
.jpg)
Առաջնությունից հետո Աննա Վարդապետյանը 25 կիլոգրամ քաշային կարգում առաջին հորիզոնականը զբաղեցրած պատանու ուղեկցությամբ հյուրընկալվել է Աշխատանքի և սոցիալական հարցերի նախարարության «Շիրակի մարզի երեխայի և ընտանիքի աջակցության կենտրոն» ՊՈԱԿ-ում: Հանրապետության գլխավոր դատախազը ՊՈԱԿ-ի տնօրեն Լամարա Աբրահամյանի հետ շրջել է Կենտրոնում, ծանոթացել է շենքային պայմաններին՝ եղել է երեխաների ժամանցի սենյակներում, ննջասենյակներում, հետաքրքրվել է շուրջօրյա խնամք ստացող երեխաների կրթական ծրագրերով և զրուցել Կենտրոնի սաների հետ։
