Իսրայելի ռազմաօդային ուժերը մեկ օրվա ընթացքում ավելի քան 50 թիրախ են գրոհել Գազայի հատվածում: ՑԱՀԱԼ-ի մամուլի ծառայությունից հայտնել են, որ դրանց թվում եղել են ականապատ շինություններ, զինված արմատականների ջոկատներ և արձակման կայանքներ։
Բացի դրանից՝ նշվում է, որ անցած օրվա ընթացքում անկլավի հարավում գտնվող Ռաֆահ քաղաքի շրջանում ոչնչացվել են տասնյակ զինյալներ, և վնասազերծվել է մի քանի ականապատ շինություն:
Պաշտոնական տվյալների համաձայն՝ ՑԱՀԱԼ-ը շարունակում է մարտեր մղել նաև Էշ Շուջայայում՝ Գազա քաղաքի արևելյան հատվածի շրջաններից մեկում։ Այնտեղ մեկ օրվա ընթացքում ոչնչացվել է հարյուր զինյալ, որոնք կրակ են վարել այդ հատվածում գտնվող իսրայելցի զինվորականների ուղղությամբ։
