Երևանի քաղաքապետարանից տեղեկացնում են, որ համայնք-մասնավոր գործակցությամբ Կոմիտասի պողոտայում կձևավորվի հանգստի նոր հարմարավետ գոտի՝ մարզահրապարակով, ամֆիթատրոնով ու ջրավազան-շատրվաններով: Կառուցվող առևտրային համալիրում էլ կգործեն նաև մանկական ՏՏ զարգացման ու երաժշտական կենտրոններ, ստորգետնյա ավտոկայանատեղի:
![](/attachments/images/448626871_1049652003183485_2614998104169803250_n.jpg)
2024 թ. ծրագրով Արաբկիր վարչական շրջանում հիմնանորոգվում է շուրջ 10 բակային տարածք, կառուցվել է շների զբոսանքի համար առանձնացված հատված:
Նախագծերը կյանքի կոչելու նպատակով ապամոնտաժվել են 70-ից ավելի ավտոտնակ, անօրինական շինություն ու կրպակ: Բակային ավելի քան 30000 քմ տարածք մաքրվել է հողազավթումներից:
![](/attachments/images/448619244_1049651996516819_241319493784099357_n.jpg)
Վերակառուցումից հետո առաջիկայում շահագործման կհանձնվի նաև Մերգելյանի այգին: Ճեմուղիներ, նստարաններ, խաղահրապարակ ու մարզահրապարակ, շատրվանային համալիր, մանկական զարգացման կենտրոն. տասնամյակներ շարունակ տարատեսակ կրպակներով, սրճարաններով ու չգործող կարուսելներով ծանրաբեռնված այգին հիմնովին կփոխվի: