Երևանի Շենգավիթ վարչական շրջանի Նոր Խարբերդ թաղամասում գազատար է անցկացվել, այս պահին խնդիրը տնային միացումներ անելն է: Երևանի քաղաքապետ Տիգրան Ավինյանը կոմունալ տնտեսության վարչությանը հանձնարարել է համապատասխան գրությամբ դիմել Հանրային ծառայությունները կարգավորող հանձնաժողով:
«Մենք քննարկել ենք հարցը պարոն Գարեգին Բաղրամյանի հետ՝ Հանրային ծառայությունները կարգավորող հանձնաժողովի հետ, և մեզանից ակնկալվում է համապատասխան գրություն, որպեսզի ներառվի ներդրումային ծրագրի մեջ, որպեսզի իրենք ունեին որոշակի ֆինանսական միջոցներ նախատեսված, որոնք որ չեն ծախսվել, այդ ֆինանսական միջոցների մի մասը հնարավոր է ուղղել ծրագրի իրականացման համար»,- ասել է քաղաքապետը:
