ՀՀ վարչապետ Նիկոլ Փաշինյանը Ֆեյսբուքի իր էջում գրառում է կատարել և հայտնել, որ եղանակային վատ պայմանների պատճառով իրեն տեղափոխող ուղղաթիռը չնախատեսված վայրէջք է կատարել Վանաձորում։
«Սիրելիներս, ամեն ինչ կարգին է։ Եղանակային վատ պայմանների պատճառով մեր ուղղաթիռը չնախատեսված վայրէջք է կատարել Վանաձորում։
Այժմ ճանապարհը շարունակում ենք ավտոմեքենայով։ Լավ օր եմ մաղթում բոլորիս»,- գրել է վարչապետը՝ հրապարակելով տեսանյութ չնախատեսված վայրէջքից:
Ավելի վաղ լրատվամիջոցները տեղեկություն էին տարածել, թե Նիկոլ Փաշինյանի ուղղաթիռն արտակարգ վայրէջք է կատարել Վանաձորի մարզադաշտում։
