Վաշինգտոնում Ռուսաստանի դեսպան Անատոլի Անտոնովը մեկնաբանել է ամերիկացի քաղաքական գործիչների՝ վերջին շրջանում հաճախակի դարձած կոչերը՝ թույլ տալ Ուկրաինային ԱՄՆ-ից ստացած զենքերն օգտագործելու Ռուսաստանի տարածքում գտնվող ռազմական և էներգետիկ օբյեկտների վրա հարձակվելու համար: Նա նշել է, որ դրանք կարող են ուղղակի բախում հրահրել Ռուսաստանի և ՆԱՏՕ-ի անդամների միջև:
«Նման սադրիչ հայտարարությունները չափազանց վտանգավոր են և անխոհեմ: Ամեն օր լսում ենք ռազմական օգնության ընդլայնման նոր առաջարկներ»,- ասել է ռուս դիվանագետը:
Ըստ Անտոնովի՝ այդ կոչերով փորձ է արվում նաև արևմտյան պետություններին հրահրել խոցելու ՌԴ ԶՈՒ ինքնաթիռները:
