1 հատ 3 վագոնանի շարժակազմի հիմնանորոգումն արդեն վերջացրել ենք, պատրաստ է շահագործման։ Մյուս երկուշաբթի օրվանից շահագործման կհանձնենք: Այս մասին Երևանի քաղաքապետարանի գործակարգավարական խորհրդակցության ժամանակ զեկուցեց Երևանի մետրոպոլիտենի գլխավոր տնօրենի պաշտոնակատար Բաբկեն Սեդրակյանը։
Քաղաքապետ Տիգրան Ավինյանը հիշեցրեց՝ այսօրվանից Երևանի մետրոպոլիտենի աշխատանքային ժամերը պետք է փոփոխվեին, հասցրե՞լ են նոր ժամանակացույցով աշխատելուն, Սեդրակյանը հաստատեց՝ այսօրվանից Երևանի մետրոպոլիտենն աշխատելու է 07։00-ից մինչև 24:00-ը:
