Իրանը դատապարտել է Գազայի հատվածում Իսրայելի սկսած ռազմական գործողությունը: Իսլամական Հանրապետության արտաքին գործերի նախարարության պաշտոնական ներկայացուցիչ Նասեր Քանանին հայտարարել է, որ այդ որոշումն ուղղված է պաղեստինյան անկլավում խաղաղության հաստատման շուրջ միջազգային հանրության ջանքերի խափանմանը:
«Իսրայելն այդ որոշումը կայացրել է Գազայի հատվածում պատերազմն ու ցեղասպանությունը դադարեցնելուն ուղղված միջազգային հանրության ջանքերը խափանելու և իսրայելցի հանցագործների անհատական ու խմբային շահերը պաշտպանելու նպատակով»,- ասել է Քանանին:
Նրա խոսքով՝ տարածաշրջանում խաղաղության և անվտանգության բանալին պաղեստինյան ժողովրդի դեմ պատերազմի անհապաղ և անվերապահ դադարեցումն է:
