Կրեմլում տեղի է ունեցել Ռուսաստանի նախագահի երդմնակալության արարողությունը: Վլադիմիր Պուտինը ՌԴ նախագահի պաշտոնը ստանձնել է հինգերորդ անգամ՝ վեցամյա ժամկետով: Ելույթում Պուտինը նշել է, որ Ռուսաստանը բախվել է լուրջ փորձությունների, համոզմունք հայտնել, որ երկիրն արժանապատվորեն կհաղթահարի դժվարությունները և կդառնա ավելի ուժեղ:
«Մենք բաց ենք եղել և շարունակելու ենք ամրապնդել բարեկամական հարաբերությունները բոլոր այն երկրների հետ, որոնք Ռուսաստանին տեսնում են որպես հուսալի և ազնիվ գործընկեր։ Եվ այդ երկրներն իսկապես համաշխարհային մեծամասնությունն են կազմում: Մենք չենք հրաժարվում արևմտյան պետությունների հետ երկխոսությունից։ Ընտրությունը նրանցն է»,- ասել է Պուտինը: Նրա խոսքով՝ եվրասիական ինտեգրման գործընկերների և այլ ինքնիշխան կենտրոնների հետ Մոսկվան կշարունակի բազմաբևեռ աշխարհակարգի ձևավորումը:
