Օրերս իրավապահերը բացահայտել էին Իրանից տեղափոխված խոշոր չափի թմրամիջոցների մաքսանենգության հերթական դեպքը։ Քաջարան-Կապան ավտոճանապարհից ձերբակալվել էին 42-ամյա կին ու 27-ամյա երիտասարդ։ Նրանց ավտոմեքենայի խուզարկությամբ հայտնաբերվել էր ընդհանուր մոտ 13 կգ մեթամֆետամին, հերոին և մարիխուանա տեսակի թմրամիջոցի նմանվող զանգված։ Շաբաթներ առաջ էլ ԱՄՆ-ից Հայաստան ներմուծված առաքանուց կես միլիոն դոլարի կոկաին է հայտնաբերվել:
