Ապրիլի 23-ին` ժամը 21:59-ին, Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աբովյան-Նոր Հաճն ավտոճանապարհին՝ Նոր Հաճնի կամրջի մոտակայքում, տեղի է ունեցել ՃՏՊ՝ ավտոմեքենան բախվել է արգելապատնեշին և կողաշրջվել. կա տուժած:
Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը: Պարզվել է, որ Nissan մակնիշի ավտոմեքենան (վարորդ՝ Տ. Ն., ծնված 1993 թ.) բախվել է ավտոճանապարհահատվածի արգելապատնեշին, կոտրել այն և կողաշրջված վիճակում հայտնվել ձորում (մոտ 20մ):
Մինչ փրկարարների կանչի վայր հասնելը՝ ավտոմեքենայի գազի բալոնը փակել և հոսանքազրկել են տեղի ուժերը:
Փրկարարները վարորդին դուրս են բերել ձորից և մոտեցրել շտապօգնության ավտոմեքենային. տուժածը հոսպիտալացվել է բժշկական կենտրոն:
