Երևանի կանաչապատման աշխատանքները շարունակվում են: Երևանի քաղաքապետարանից հայտնում են, որ այս անգամ շուրջ 400 նոր ծառ է տնկվել «Հաղթանակ» զբոսայգու անտառի 1 հա տարածքում:
«Կանաչապատման և շրջակա միջավայրի պաշտպանության» ՀՈԱԿ-ը այգին համալրել է սոսիներով, կաղնիներով, մրգատու և այլ տարբեր ծառատեսակներով:
Ավելի բարեկարգ այգի ունենալու գործում իրենց ներդրումն են ունեցել նաև բնակիչները: Երևանի անտառային գոտու վերականգնումը շարունակում է մնալ քաղաքի կարևորագույն խնդիրներից մեկը:
