ԱՄՆ-ը չի ձգտում հակամարտություն Իրանի հետ, սակայն մտադիր է պաշտպանել իր ուժերը և աջակցել Իսրայելի պաշտպանությանը: Այդ մասին հայտարարել է Պենտագոնի ղեկավար Լլոյդ Օսթինը։
«Մենք դատապարտում ենք Իրանի կողմից այդ աննախադեպ հարձակումները և կոչ ենք անում անհապաղ դադարեցնել հետագա քայլերը, այդ թվում՝ նրա պրոքսի ուժերի կողմից և թուլացնել լարվածությունը: Մենք չենք ձգտում հակամարտության Իրանի հետ, բայց չենք վարանի գործել՝ պաշտպանելու մեր ուժերը և աջակցելու Իսրայելի պաշտպանությանը»,- հայտարարել է Օսթինը:
Պենտագոնի ղեկավարը հավելել է, որ ամերիկյան զորքերը որսացել են Իրանից, Իրաքից, Սիրիայից և Եմենից արձակված տասնյակ հրթիռներ և անօդաչու թռչող սարքեր:
