Univision հեռուստաընկերությանը տված բացառիկ հարցազրույցում ԱՄՆ նախագահ Ջո Բայդենն հայտարարել է, որ համաձայն չէ Գազայի հատվածում Իսրայելի վարչապետ Նեթանյահուի մոտեցմանը՝ այն որակելով որպես «սխալ»։
Սպիտակ տան առաջնորդը շեշտել է, որ իսրայելական վերջին հարձակումը միջազգային մարդասիրական կազմակերպության աշխատակիցների վրա մտահոգիչ է: «Ես հորդորում եմ, որ իսրայելցիները պարզապես հրադադարի կոչ անեն, հաջորդ վեց-ութ շաբաթվա ընթացքում ապահովեն սննդամթերքի և դեղորայքի լիարժեք հասանելիություն»,- ավելացրել է Բայդենը՝ ընդգծելով՝ մարդկանց բժշկական և սննդի կարիքները չապահովելու համար արդարացում չկա:
