Թայվանում երկրաշարժից հետո հետցնցումների թիվը գերազանցել է 160-ը, հաղորդում է թայվանական Sanli հեռուստաալիքը՝ վկայակոչելով կղզու կենտրոնական օդերևութաբանական վարչության տվյալները։
Հաղորդվում է, որ հետցնցումների թիվը կազմել է 167, որից երկուսը` 6 և ավելի մագնիտուդով, 12-ը` 5-6 մագնիտուդով, 80-ը` 4-5, 72-ը` 3-4 մագնիտուդով:
Երկրաշարժի զոհերի թիվը հասել է 10-ի, վիրավորներինը՝ 934-ի,- հայտնել է Չինաստանի կենտրոնական հեռուստատեսությունը՝ հղում անելով կղզու հրշեջ ծառայությանը։
Հեղինակ՝ Սիլվի Սիրականյան
