Մերձավոր Արևելքում լարվածությունը սրվում է: ՑԱՀԱԼ-ը հայտնում է Գազայի հատվածում ՀԱՄԱՍ-ին պատկանող օբյեկտների և զինյալների ոչնչացման մասին: Իսրայելական կողմի տվյալով՝ թիրախային գործողությունները շարունակվում են նաև Ալ Շիֆա հիվանդանոցի տարածքում, որտեղ այժմ քաղաքացիական անձինք կան՝ բժիշկներ, բուժառուներ, փախստականներ:
Լարված իրավիճակ է Իսրայել-Լիբանան սահմանին: ՑԱՀԱԼ-ը և Հեզբոլլահը պարբերաբար հայտնում են փոխադարձ հարվածների մասին: Իսրայելի հյուսիսում օդային տագնապ է հայտարարվել։
Լրատվամիջոցները գրում են, որ Իսրայելի ռազմաօդային ուժերը Լիբանանի հարավում «Հեզբոլլահի» ներկայացուցիչներին տեղափոխող մեքենա են թիրախավորել: Կան զոհեր և վիրավորներ:
Al Hadath հեռուստաընկերության տվյալով էլ՝ ՑԱՀԱԼ-ը ավիահարվածներ է հասցրել նաև Սիրիային, մասնավորապես՝ Հալեպի մերձակայքին: Շուրջ 40 մարդ է զոհվել՝ խաղաղ բնակիչներ, սիրիացի զինվորականներ և Հեզբոլլահի ներկայացուցիչներ:
Միջազգային նորությունները` Դիանա Գասպարյանի ռեպորտաժում:
