Գերմանիայի կանցլեր Օլաֆ Շոլցը գերմանացիներին ուղղված ուղերձում հիշեցրել է Ուկրաինային աջակցելու անհրաժեշտության մասին:
«Տասնամյակներ շարունակ Եվրոպայում խաղաղությունը հիմնված է եղել մի շատ կարևոր սկզբունքի վրա՝ սահմանները չպետք է ուժով փոխվեն։ Իսկ Վլադիմիր Պուտինի Ռուսաստանը խախտեց այդ սկզբունքը։ Առանց արդարության խաղաղություն չի լինում։ Ահա թե ինչու ենք մենք աջակցում Ուկրաինային արդար խաղաղության համար պայքարում»,- ասել է կանցլերը։
Շոլցը հավելել է, որ Ուկրաինայի աջակցությունը կարևոր է նաև Գերմանիայի անվտանգության համար:
