ԱՄՆ Մերիլենդ նահանգի Բալթիմոր քաղաքում Ֆրենսիս Սքոթի անվան Key Bridge ավտոմոբիլային կամուրջը բեռնատար նավի հետ բախվելուց հետո փլուզվել է և ջուրն է ընկել՝ հայտնում են ամերիկյան լրատվամիջոցները:
Նշվում է, որ երթևեկությունը երկկողմանի փակ է: Բալթիմորի իշխանությունների տվյալով՝ մեծ թվով տուժածներ կան:
Ինչպես նշում է WTOP ռադիոկայանը, կամրջի փլուզումից հետո մի քանի մեքենա հայտնվել է ջրի մեջ: Վթարի ենթարկված նավը հրկիզվել և խորտակվել է։ Դեպքի վայր են մեկնել արտակարգ իրավիճակների ծառայությունները:
