Բելգիայի վարչապետ Ալեքսանդր դե Կրոյի խոսքով՝ ԵՄ երկրները պետք է հնարավորինս արագ հրաժարվեն ռուսական միջուկային վառելիքից, որպեսզի դադարեցնեն այսպես կոչված ցածր ածխածնային էներգիայի նկատմամբ Եվրոպայի հետաքրքրության վերականգնման գործընթացը, որը, ի թիվս այլ բաների, ֆինանսավորում է Ռուսաստանի ռազմական գործողություններն Ուկրաինայում: Այդ մասին նա հայտարարել է Financial Times-ի (FT) հետ հարցազրույցում։
«Քանի որ 2022 թվականին ԵՄ մատակարարումների մեջ ռուսական հարստացված ուրանի մասնաբաժինը կազմում էր 30 տոկոս, ռիսկ կա, որ այս կերպ հնարավոր կլինի մի կախվածությունը փոխանակել մյուսով»,- ընդգծել է Դե Կրոն։
Բելգիայի վարչապետը խոստովանել է, որ միջուկային էներգետիկայի ոլորտում «մատակարարման շղթաների» փոփոխությունը բարդ խնդիր է, սակայն այն պետք է արագ լուծվի: «Մենք պետք է անջատվենք ռուսական միջուկային վառելիքից, բայց միաժամանակ համոզվենք, որ դեռ կարող ենք զրոյական արտանետումներով էլեկտրաէներգիա արտադրել»:
2023 թվականի դեկտեմբերին ՄԱԿ-ի կլիմայի COP28 համաժողովի ժամանակ Բելգիան որոշել է երկարացնել երկու միջուկային ռեակտորների կյանքը, որոնք պետք է փակվեին 2025 թվականին: Այժմ դրանք կգործեն մինչև 2035 թվականը։
Միջուկային էներգետիկայի առաջին միջազգային գագաթնաժողովում Բելգիայի վարչապետի նախաձեռնությանն աջակցել են ավելի քան 30 երկրի ղեկավարներ:
