ԱՄՆ պետքարտուղար Էնթոնի Բլինքենը դատապարտել է ՌԴ Մոսկվայի մարզում նախօրեին տեղի ունեցած ահաբեկչությունը:
«Միացյալ Նահանգները խստորեն դատապարտում է երեկ Մոսկվայում տեղի ունեցած մահացու ահաբեկչությունը: Մենք մեր խորին ցավակցությունն ենք հայտնում զոհվածների ընտանիքներին և մերձավորներին և բոլորին, ովքեր տուժել են այս սարսափելի ոճրագործությունից: Մենք դատապարտում ենք ահաբեկչությունն իր բոլոր դրսևորումներով և համերաշխություն ենք հայտնում Ռուսաստանի ժողովրդին՝ այս սարսափելի իրադարձության հետևանքով զոհվածներին սգալու պահին»,- նշված է ԱՄՆ պետքարտուղարության մամուլի ծառայության տարածած հաղորդագրության մեջ։
