Մարտի 19-ին` ժամը 18:28-ին, Ճգնաժամային կառավարման ազգային կենտրոն ահազանգ է ստացվել, որ Երևանի Սպենդիարյան փողոցի շենքերից մեկի բակում ծառը տապալվել է ավտոմեքենայի վրա․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ ծառը տապալվել է Nissan մակնիշի ավտոմեքենայի (վարորդ՝ Կ. Չ., ծնված 1992 թ․) և շենքի արտաքին հատվածին ամրացված օդորակիչի վրա։ Փրկարները մասնատել են ծառը և հեռացրել անվտանգ տարածք։
