ՌԴ նախագահի ընտրությունում Վլադիմիր Պուտինը հավաքում է ձայների 87,68 տոկոսը. այդ մասին են վկայում ՌԴ ԿԸՀ-ի արդյունքները` քվեաթերթիկների 30 տոկոսի մշակումից հետո:
Մյուս թեկնածուներից Նիկոլայ Խարիտոնովն ունի ձայների 3,95 տոկոսը, Վլադիսլավ Դավանկովը՝ 3,81 տոկոսը, Լեոնիդ Սլուցկին՝ 3,01 տոկոսը։
Ընտրողների ընդհանուր մասնակցությունը Մոսկվայի ժամանակով 20.37-ի դրությամբ կազմել է 74.22 տոկոս:
Պուտինի արդյունքը, ըստ RIA Novosti-ի, ռեկորդային է ժամանակակից Ռուսաստանի պատմության համար:
2018-ին նա հավաքել էր ձայների 76,69 տոկոսը, 2012-ին՝ 63,6 տոկոսը: Դմիտրի Մեդվեդևը 2008 թվականին հաղթել էր 70,28 արդյունքով, իսկ 2004 և 2000 թվականներին Պուտինը հաղթանակել էր համապատասխանաբար 71,31 ու 52,9 տոկոս ձայներով:
