Մեծ Բրիտանիան ուկրաինական զինված ուժերին ավելի քան 10 հազար անօդաչու թռչող սարք կմատակարարի, հինգշաբթի, Կիև կատարած այցի ժամանակ հայտարարել է երկրի պաշտպանության նախարար Գրանտ Շապսը։ Անօդաչուների մեծ մասը կօգտագործվի հետախուզության համար, սակայն մատակարարումը կներառի նաև ծովային և հարվածային անօդաչու սարքեր, ասել է նա։
Բրիտանական անօդաչու սարքերը Ուկրաինային են հանձնում որպես 325 միլիոն ֆունտ ստեռլինգ (380 միլիոն եվրո) արժողությամբ ռազմական օգնության փաթեթի մաս:
«Ես ամրապնդում եմ մեր հանձնառությունը՝ զինելու Ուկրաինան նորագույն անօդաչու սարքերով, որոնք արտադրվում են Մեծ Բրիտանիայի առաջատար պաշտպանական արդյունաբերություններում՝ գործարանի արտադրամասին ուղիղ ճակատային գիծ: Ես կոչ եմ անում միջազգային գործընկերներին միանալ Մեծ Բրիտանիային այս ջանքերում», - ասել է Շապսը:
