Այս տարվա առաջին ամսում տնտեսական ակտիվության ցուցանիշի 10.7 տոկոս աճի ֆոնին սպառողական գների փոքր նվազումը, մասնագետների համոզմամբ, նշանակում է, որ տնտեսական կայունացման հնարավորություն կա: Վիճակագրական կոմիտեի տվյալներով՝ աճ է գրանցվել գրեթե բոլոր ոլորտներում՝ արտահանումից մինչև շինարարություն ու արդյունաբերական արտադրանք: Սա կարևոր է տնտեսության համաչափ զարգացման առումով:
