Իսրայելի էկոնոմիկայի և արդյունաբերության նախարար Նիր Բարկատը Աբու Դաբի կատարած այցի ընթացքում հանդիպել է Սաուդյան Արաբիայի առևտրի նախարար Մաջեդ բեն Աբդուլլահ ալ Քասաբիի հետ։ Այդ մասին հայտնում է Ynet պորտալը։
Պարբերականի տեղեկության համաձայն՝ բանակցությունների ընթացքում Իսրայելի էկոնոմիկայի նախարարության ղեկավարը հայտարարել է, որ իր երկիրը խաղաղության է ձգտում մյուս պետությունների հետ:
Մինչ պաղեստինա-իսրայելական հակամարտության ներկայիս սրումը, հրեական պետության իշխանությունները բազմիցս հայտարարել են Սաուդյան Արաբիայի հետ հարաբերությունները կարգավորելու իրենց ցանկության մասին։
2023 թվականի հոկտեմբերի 7-ից սկսված իսրայելա-պաղեստինյան հերթական սրացման լույսի ներքո Սաուդյան Արաբիայի իշխանությունները հայտարարել են, որ կկարգավորեն դիվանագիտական հարաբերությունները Իսրայելի հետ միայն այն դեպքում, եթե այն ճանաչի Պաղեստին պետությունը և դուրս բերի զորքերը Գազայի հատվածից։
