Հայաստանի Հանրապետության արդարադատության նախարարության քրեակատարողական ծառայությունը շարունակում է հետևողական պայքարը ազատազրկված անձանց կողմից թմրամիջոցների, բջջային հեռախոսների և այլ արգելված իրերի ապօրինի ձեռքբերման և շրջանառության դեմ։
![](/attachments/images/%D5%94%D4%BF%D4%BE%20(1)%20(23).jpg)
Քրեակատարողական հիմնարկների անվտանգության ապահովման բաժինների և Քրեակատարողական ծառայության կենտրոնական մարմնի օպերատիվ վարչության տարածքային բաժինների ծառայողները 2024 թվականի հունվարի ընթացքում պարբերաբար իրականացրել են խուզարկություններ թմրամիջոցների և արգելված իրերի հայտնաբերման ուղղությամբ։
![](/attachments/images/%D5%94%D4%BF%D4%BE%20(2)%20(23).jpg)
Արդյունքում՝ հիմնարկների խցերում, կացարաններում, բնակելի գոտու այլ տարածքներում հայտնաբերվել են ընդհանուր 139,53 գրամ քաշով տարբեր թմրամիջոցների նմանվող զանգվածներ, 67 բջջային հեռախոս, բջջային հեռախոսի 62 պարագաներ, 7 wi-fi սարք, 13 կտրող-ծակող առարկա և այլ արգելված իրեր։
![](/attachments/images/download(20).jpg)
Նշված արգելված իրերն ու թմրամիջոցներին նմանվող զանգվածները հայտնաբերվել են սանհանգույցներից՝ օդափոխման համակարգի խողովակներից, կախովի առաստաղների տակից, ազատազրկված անձանց հագուստներից և նախապես պատրաստված այլ թաքստոցներից։