Մեր երկրում պետական հաշվեկշռում գրանցված 4 հազար շենք կա: Դրանց մի մասը տասնյակ տարիներ չի օգտագործվել, իսկ հիմա առանց խոշոր ներդրման արդեն պիտանի չէ դրա համար:
2023-ն աննախադեպ է եղել պետական գույքի վաճառքի տեսանկյունից: Եթե, օրինակ, 2017-ին 800 մլն դրամի գործարք է եղել, ապա 2023-ին այդ թիվը հասել է 34, 9 մլրդ դրամի:
Օրենսդրական նոր կարգավորման արդյունքում համայնքներն իրենց տարածքում գտնվող պետական գույքի վաճառքից ավելի շատ գումար կստանան: Եթե մինչև հունվարի 1-ը վերադարձվում էր շենքերի վաճառքի արդյունքում ստացված գումարի 30 տոկոսը, այժմ հողի վաճառքից ևս համայնքը գումար կստանա:
Ակնկալվում է, որ սրանով տեմպ կհաղորդվի չօգտագործվող հողերի ու շենք-շինությունների վաճառքին: Համայնքի բնակիչներն իրենք շահագրգռված կլինեն ներդրումներ ներգրավել՝ ակնկալելով, որ ստացված գումարից համայնքում ավելի շատ կենսական հարցեր կլուծվեն:
Մանրամասները՝ ռեպորտաժում:
