Փետրվարի 12-ին Ֆրանսիայի Սենատի նախագահ Ժերար Լարշեի բարձր հովանու ներքո կկազմակերպվի կլոր սեղան Միացյալ Cities France կազմակերպության հետ համատեղ՝ «Ֆրանս-հայկական ապակենտրոնացված համագործակցության ամրապնդում և զարգացում» թեմայով:
Կլոր սեղանի շուրջ կհավաքվեն խորհրդարանականներ, տեղական ընտրված պաշտոնյաներ, ֆրանսիացի և հայ դիվանագետներ:
Առանցքային թեմաներն են լինելու՝
• Հայաստանի քաղաքական և աշխարհաքաղաքական իրավիճակը Լեռնային Ղարաբաղում Ադրբեջանի ագրեսիայից մի քանի ամիս անց.
• հայ համայնքների խնդիրներն ու կարիքները Հայաստանի անվտանգության և դիվանագիտական մարտահրավերների պայմաններում.
• Սենատի աջակցությունը Հայաստանին իր խորհրդարանական դիվանագիտության միջոցով.
• նորություններ ֆրանս-հայկական համագործակցությունից:
Հեղինակ՝ Գոհար Սահակյան
