Ադրբեջանում ներկայացրել են արտահերթ նախագահական ընտրության ձայների հաշվարկի թարմացված տվյալները: Կենտրոնական ընտրական հանձնաժողովի նախագահ Մազահիր Փանահովը մամուլի ասուլիսի ժամանակ հայտարարել է, որ Իլհամ Ալիևը քվեաթերթիկների 93,35 տոկոսի մշակման արդյունքում ստացել է ձայների 92,05 տոկոսը:
Մյուս թեկնածուներից Զահիդ Օրուջը հավաքել է ձայների 2,19 %-ը, Ֆազիլ Մուստաֆան՝ 2 %-ը, Գուդրյաթ Հասանգուլիևը՝ 1,76 %-ը, Ռազի Նուրուլլաևը՝ 0,8 %-ը, Էլշադ Մուսաևը՝ 0,67 %-ը, Ֆուադ Ալիևը՝ 0,53 %-ը:
Ըստ պաշտոնական տվյալների՝ արտահերթ ընտրություններին մասնակցությունը կազմել է 76,73 տոկոս, ընդհանուր առմամբ քվեարկել է 4 մլն 971,032 հազար ընտրող:
