Ուկրաինայի նախագահ Վոլոդիմիր Զելենսկին շնորհակալություն է հայտնել Եվրոպական խորհրդի նախագահ Շառլ Միշելին և Եվրամիության առաջնորդներին՝ 2024-2027 թթ. Ուկրաինայի համար 50 միլիարդ եվրոյի չափով օգնության ծրագիր հիմնելու համար:
«Շատ կարևոր է, որ որոշումն ընդունվել է բոլոր 27 ղեկավարների կողմից, ինչը ևս մեկ անգամ ապացուցեց ԵՄ-ի ուժեղ միասնականությունը: Ուկրաինային ԵՄ-ի շարունակական ֆինանսական աջակցությունը կամրապնդի երկարաժամկետ տնտեսական և ֆինանսական կայունությունը, ինչը ոչ պակաս կարևոր է, քան ռազմական օգնությունն ու Ռուսաստանի դեմ պատժամիջոցային ճնշումը»,- գրել է Զելենսկին X-ի իր միկրոբլոգում:
